يا وجودي وجد من ضيّع سروره
وانكسر قلبه على درب البعايد
لو عليّ الصبِح مره شاف نوره
اسهرك يا ليلّ واعاف الوسايد
من يذكر قلبي بشمخه غروره
من يرجعني على الطبع المحايد
التفاتاتي على من صد شوره
والله أنها ما هي لقلبي عوايد
طاح حيل الغصن واستاحش جذوره
بعد عاف الطير تحنان الجرايد
وجهه الله لا يعدمني سروره
يا بعد كل القدامى والجدايد
علقًت ذكراه وسط البال صوره
يوم غيره راحوا فبالي شرايد
لو تدور الأرض دوره بعد دوره
ثابتً حبه.. اذا ما صار زايد
والله اني عشت بغيابه حضوره
والذي نزل على عيسى الموايد
قبل أجر الوجد واطيّح لكسوره
ما هقيت مفارق الغالين كايد
هذا أول شوق يجرحني شعوره
جرح تعجز لا تداويه القصايد
لين قلبي مات من كثره شعوره
وانتهى حلمه على صوت النشايد