لاتشتكي هماً تفردبّك لاحد
حاول تلمّه حاول انك تكتمه
الهم ماعمره تمادى للأبد
همك فلا غيرك تراه بيفهمه
الرب اقسم في كتابه بالبلد
وهذا القسم يخشاه ناس مُسلمه
اقسم بأنه قد خلقنا في كبد
ونعيش اشياء كثيره مؤلمه
لذا فلا تشكي وتزداد العُقد
اصبر علي همك وصبرك يهزمه
يونس بصبره تميز وانفرد
دنياه وسط الحوت ياهي مظلمه
من بعد ماكانت حياته في جلد
هو احتسب سبحان منهو الهمه
هذه الحياة ماكانت بيوم لاحد
تعطيك يوم ويوم تأتي مبهمه
زينه حياه الناس في مال وولد
وارزاق كل الناس ياهي مقسمه
بتعيش يوم .. وعيشتك عيشة رغد
وبتجيك لحظات ولليالي مُعدمه
لكنك ارضى بالقدر مهما استبد
ورضاك ينهي همّك اللي تحشمه
ياهم مهما صوتك بقلبي رعد
صبري تراه البرق يكشف معتمه
فيارب ترحمني وانا وسط اللحد
وادمح حروف اللي كتبها من دمه