بعض المواقف علمتني الحشيمة
اسكت وأكابر وأنا بخاطري كي
ولخاطر الذكرى ولو هي قديمة
لا بنشغل بك وانت لا تنشغل بي
بنسى حضورك واللقاء مع نسيمه
وبحفظ وصالك دام أنا حي
انتي رحلتي والمشاعر يتيمه
فجأه وأنا مو خابر أني أبي شي
ولاني عظيم بعشرتي يا عظيمة
طويت صفحاتي معك كلها طي
ما عاد يعنيني النصر والهزيمة
ولا عاد تغريني خلاخل ولا حلي
ظنيتك إنك في وصالك حكيمه
وانهالت سهامك هاذي ورى ذي
وظنيتك إنك في قرارك حليمه
وياللاسف خذلتني يابعد حي
حتى بغيابك اشهد انك كريمه
يا بنت داراً قد سكنها ولد طي
الله يبيحك والنوايا سليمه
القلب لا يحمل كثيراً ولا شوي
طبعي كذا بدروبي المستقيمة
لاهم ضيعني ولا كُره أو غي
شاحت بروق الوصل وانزاح غيمه
غيمة تلاشت وانقطع بعدها المي
غابت وراحت ماش ما من غنيمة
وأخفيت عبرة ثم لوحت بيدي
فرصه سعيده والثقة بالعزيمة
لا عاد أبي ظلك ولا بنتظر في