أيه اغيب وجيت مادور جديد
الغياب أحيان هو معنى الحياد
والحضور إنسان لكنه بليد
هو غباء يكون في هيئه عناد
ابعدوني عن حكاوي ما تفيد
وجنبوني ناركم لو هي رماد
أيه غايب حتى لو ماني بعيد
بس أنا حاولت قدر الابتعاد
أيه غايب والغنايم وش تزيد
ما تغير شي وتحقق مراد
طاب جرحي لونزف لك هالوريد
خنجرك مسنون ومتاني شداد
التجاهل فن بس من هو يجيد
والتغافل صيد وصدودك زناد
لاخذلك الوقت حاول تستفيد
غيب في عزه ولا تخاف البعاد
الغياب أحيان يتلبس قصيد
والقصيد أحيان في هيئه ضماد
كل ما في الأمر والشي الأكيد
لاجفى موطنك دور عن بلاد