يا قلب (لا تصالح) ولو صار ما صار
ياما غفرنا بس وشهي الحصيلة
الزير من حقه إذا يطلب الثار
والثار عند الزير يسوى قبيلة
ياما زرعنا ورد يا شِح الأمطار
الزرع ميت والسحايب بخيلة
ما عاد قلبي ينتظر أية أعذار
والعذر حتى العذر منهد حيلة
القلب مثل جدار والعذر مسمار
ويشوة الصورة ولو هي جميلة
بروزت حزني واصبح اليوم تذكار
تذكار للي كان واعلن رحيلة
وانكسرت الصورة وهي تلفت أنظار
وطاحت على قلبي هموماً ثقيلة
غلطتك مع سبق الترصد والإصرار
مدري أنا بغايتك واثري الوسيلة
وشلون هذا الفعل يبدر من أحرار
كنتي ملاك القلب كنتي الجليلة
واليوم لا والله والجار لو جار
نبدّل المسكن ونلقى بديله
من بعد ما كنا المهاجر والأنصار
أنا بهاجر يالعيون الكحيلة
الله يعين القلب بس انه اختار
اختار يبعد عنك واعزتيله