يا زمانٍ ضاع لانْصافِ
فيه واختَلّت موازينه
حلّ مَيْرى كرْمَه الغافي
واكتفى عن صدقه بْمينه
لا تغشّ العسجد الصافي
ظلْم وتحطّم قوانينه
منزله عالي في لاشْرافْ
يوز ما تِقْدِر مثامينه
وان حَضَر ما بين لِعْفافِ
الشرَف ينشاف في عينه
في المحاسن ما له اوصافِ
يبْهِرَك من حسنه وزينه
غصن بالادواق غِرْيافِ
وان مشى تنفح رياحينه
تاج راسي ما له مْكافي
يجعله في مفرقي زينه
يَ عْوِضي عن ماضي اسلافي
قَبل حبي لاَوّلي وينه
الشِعر والنظم والقافِ
فيك بآسَجْلَه من الحينه