يا بنت الإيه يا شاغلاني
وفين ما أروووح مخايلاني
قوليلي إييييه مخليكي
شغلتي البال، وعاجباني
يا عفريتة يا بنت الإيه!!
عيون والّلا.. عطور هالّة
من الورد اللي فوق الخد؟
وليل شعرك على ضهرك
وقدك ما في زيّّه قد
وسيف رمشك دبحني خلاص
ونار شوقي بتشويني
قوليلي إييييه مخليكي
شغلتي البال، وعاجباني
يا عفريتة.. يا بنت الإيه!!
عشان خاطر الهوى ميلي
تعالي وسهّري ليلي
هتحلا الدنيا وتزهزه
واغني لك مواويلي
ونسكن نجمة من فضة
وتبقى عنيكي عنواني
قوليلي إيييه مخليكي
شغلتي البال، وعاجباني
يا عفريتة.. يا بنت الإيه!!
سرقتي القلب يا اسمك ايه؟
قوليلي ازاي وصلتي اليه؟!
وانا مخبّيه!! مداري عليه!!
وباني سور ضلوع حواليه
يا إمّا ترجّعي قلبي
يا إمّا أقوول دي سارقاني
قوليلي إيييه مخليكي
شغلتي البال، وعاجبانييا عفريتة.. يا بنت الإيه!!