من قصيده.. نوره أذرفت الدموع..!
وطاوعت عيني.. بهالليله السهر
استمعت لقصّةن. تَطْفِي الشُموع
مِنْ دُموع إنسان مكسور الظهر
يا.. يا أهل المملكه من كل نوع
أشهد إني بعدها.. ببكي دَهَر
استمعت.. وشفت.. من حولي الجموع
هذا يمشي.. وهذا بالجريه.. جَهَرْ
وإحْتَرَقْ مِنْ كان عايش بالضلوع
قَلْبِ شَاعر يسمع الصرخة بقَهَر
يسمع لنوره وهي تبكي بخضوع
وإحْتَرَق.. بأوسط ضلوعي وأنصَهَر
صوّرت أفكاري.. في يوم الربوع
منظرن لو غيري.! صوَّرْهِ بشَهَر
بنت لو قامت.. يكسّرها الوقوع.!
ثم ترد تقوم... ولا علمن ظَهَر.!!
إختفي يا بدر..! وأخفي هالسطوع
صارت عيوني مثل مجرى النَهَر
أَذْرِف الدمعه.. وتتليها الدموع
والدموع...! تتليها ونّات القهر
يا مَحَمّد... أحْمَد الليله جُزُوع
مِن حُروفن مِن رآها إنْبَهَر
نوره لو تشكي أنا بإذني سُمُوع
ولو تبي قلبي.. لها قلبي مَهَر
يالله.. إني داعي الليله بخشوع
تشفي اللي عمرها مثل الزَهَر