حددوا موعد رحيلي وإقترب يوم الوداع
يوم تبكيني عيونه ودمعة عيوني تسيل
يوم أسافر عن حبيبي وأسلك دروب الضياع
وأمضي بدربي وأدور منهو لي بعده خليل
بين أحضاني ترامت كنها الماسه بقاع
تصرخ تقول الحقيقه مابي من بعدك خليل
يا حبيب الروح يكفي كل أخباري تشاع
إن هو فرحي ولا حزني ولا حبي المستحيل
كنت وياك بسعاده كانت لحزني قناع
وانكشف هالوجه لما جبت أنا طاري الرحيل
يا زماني يا سنيني يكفي يا ليلي خداع
أحمل هموم الأوادم وهمي بقلبي ثقيل
شالت أوصاف الأميرة حبت القلب الشجاع
قلبي اللي كان مع غيره بإحساسه بخيل
قال ربي في كتابه مثنى وثلاث ورباع
وإنتي في دنياي وحده مالها بكوني مثيل
وحدها صادت قليبي يوم غيرها مستطاع
مدري بالعين الجميله ولا بالرمش الكحيل
شبي نارك يا حياتي أبكي يا عيوني الوساع
أترك الدنيا يا قلبي الفرح فيها قليل
يا حبيبه قلبي والله ما نوى قلبي القطاع
بس تايه بالمدينه وينه عني هالدليل؟
تبكي فراقي وتصرخ وماقوت أذني السماع
وأكتفيت بنظره منها زلزلت قلبي القتيل