سامريني يا نجوم الليله لحظه سامريني
واتركيني تحت ضوّ البدر ابكي واشتكي له
عن حبيبي يا نجوم الليل عنّه خبّريني
وش علومه هالمتيّم وش علاجه وش يبي له؟
من هجيره وإبتعاده هلّت دموعي بعيني
تغتسل عيني من أبيار الدموع وسلسبيله
من رحيله حتّى قلبي وسط ليلي يرتجيني
ما أهل دموع عيني لأجل ياخذها وسيله
لا بغا يعرف غلاته أو يثوّر بي حنيني
أجبر دموعٍ بعيني تهل لأجله تنحني له..!
لو تغيبي عن عيوني قلتي يا خلي احتريني
واحتريتك ويّا قلبي وسط سكاتٍ طويله..!
احتريتك وإنتي تنوي بقبر هجرك تدفنيني..
شوفي دمعة وسط عيني وحدها بموتي كفيله..
طال صبري وإنتي فيها سجون حبّك تسجنيني
وذي سنيني من غيابك مظلمه في كل ليله
فيا تشيله قلب حبّك وايدك تلامس إيديني
ولا بيع أم المحبّه دامها فيني قليله..!