تعالي واقربي منّي..
وزيحي غيمتي عنّي..!
وخليني.. على حضنك
انام.. وانبسط وسطه..
وتزيد بدنيتي البسطه..!
تعالي...!
ولا جيتي أمانه ناظري بعيني.!
وشوفي حبّك شكثره.!
محلّي شهوري وسنيني.!
وشوفي قلبي في دربه.!
إذا شافك ما غير يصرخ..!
أنا ويني.!
يضيّع منّك دروبه..!
ولا يبقى سوى دربك..!
عليه بتاطا أقدامه.!
ولا يبقى سوى حبّك..!
عليه بيرسم أحلامه.!
ولا يبقى.. سوى قربك.!
ولا يبقى.. بعد ذا القرب.!
سوى إنسان..
كان وقبل ما يشوفك
شبه إنسان.!
مثل شجره..
بلا أغصان..
نحيف.. ويابسٍ عوده
سهل كسره ويأسه معلن وجوده..
ومن شافك غدا مثل الزهر راوي..
ويتفتح بوجه الصبح متقاوي..
على تقفيله البارح..!
وهذا الشخص من شافك!
تكوّن داخله إنسان.!
لقى في قلبك لقلبه.
وبالتحديد.. لما اتلاقى مع حبّه
لقى فرحه... لقى أوطان.!
لقى أزمان مختلفه.!
يمر اليوم وقلبه منبسط فرحان..
ويمضي الليل.. وهو مع خلّه.. سهران.!
على كلمات عشقيّه..!
على نظرات.. رومانسيّه.!
وينظر ابطرف عينه.!
على ذيك الشفاه اللي تكوّن منها لونٍ
وسمّيتها... أم شفاه ورديّه
هذيك اللي أنا من شفتها ذايب
ما غير أنظر وإحساسي غدا غايب
علامه أدبر وروّح..
أنا مدري؟
علامه بيّده يلوّح..
أنا مدري..
كل اللي عرفته بس..
هو إني.. أسيرٍ بقلبها الأبيض..
متيّم في نبض قلبٍ يعيش بسجنها الصدري..!
أقصد.. القفص الصدري
ورغم هذا ورغم هذي..!
تظل الحب لي عشته.. يعيش الزهر لو أصبح
ميّت.. منطفي.. ذبلان..
يظل العشق لي عشته.. يرضى كل إنسانٍ
غدا من دنيته زعلان..!
يظل الود... لو شفته... يخليني... على ذاك البحر عايم
وانا مدري.. انا صاحي أو إني عايم ونايم..
يخليني... أذوب أعيد وأتكوّن..
وأرد أرجع... شموخ إنسان..
عشقها عشق مجنونٍ غدا منّه
أسيرٍ إختفى ما باان..!