الأكاذيب ف علاقة حُبْ آخرها قطاعه
تنتهي اب واهمينن إبتدوا قصه كذوبه..!!
والخيانه بالمحبه ارتدت ثوب الفضاعه
وصارت الأهوال أهون من خياناتن لَعُوبَه..!
والتلاعب بالمشاعر لاتحسب إنه براعه
هو دنائه بإعتباري زادت العاشق ذنوبَه..!!
وش ذنوبه هالمتيّم لاهو حبّك بإقتناعه
وش ذنوبه لا انحرم من حبّن أسقاه العُذوبَه..!
وينه من يملك حقيقة حبّ ماهي بالإشاعه
وينه دِلّوني وربّي بنتظر موعد غرُوبَه..!!
بجعله كالشمس لاهي أطلقت ذيك الإشاعه
وانورت كل المداين بعدما كانت شَحُوبَه..!
وأهدي له صدقي هديّه كنّها تمثال ساعه
لامِعَه بصدق النوايا والغرام حاضر وُجُوبه..!!
بس وينه..؟ هالمتيّم دلّني بس ل بِقَاعه
والله لا أبيع المجرّه وأشتري لحظة قرُوبه..!
عاجزن ألقى وليفن تاجه إخلاص وقَنَاعه
تهت بالعالم أدوّر من شماله لي جَنوبه..!
من يحبّك لا تبيعه..! ومن يذمّ قلبك وباعه..!
اتركه وأسقيه عَلْقَم مُُرّ بالكاسه شُرُوبه..!!
آآه يا حرفن معذّب ما قوى شخصن سماعه
وآآه يا همن مهاجر زارني ويّا سُرُوبه..!
ويل قلبي لا بِكا والفَرْح راضخ للوداعه
والعين تستقبل دموع اختارت لضحكي هُرُوبه..!
آآه يا قلبي.. متى هالحظ يكشف لي قِنَاعَه؟
وأفرح بأيامي مرّه وتِصْبِحْ لعمري عُذوبه..!