آآه يا حالي عليها وآآه يا مسكين حالي
منذ غابت وانا كلي بنار شوقي أحتريها
ما دريت ان الليالي بتقطع الليله وصالي
نار شبّت يالخلايق من تذكّرها وطريها
قلب مفتون وعشقها يصرخ الليله تعالي
شوفي هموم القطاعه بجوف قلبي أحتويها
ما تغيبي بكل لحظه لا عن أفكاري وبالي
ولا اتخيّل أي لحظه تمر دونك برضى فيها
يا حياتي يا خفوقي يا كياني يا خيالي
يا يا أرضي ويا سمايا وبدر فيها يعتليها
يا حنيني وشوق فيني وكل فرحٍ لا طرالي
يامشاعر قلب شاعر يرسم اللحظه وبكيها
لي متّى وانتي بعيده عن دروبي يا دلالي
لي متى والروح تطلب هالسعاده وترتجيها
ما بقالي في حياتي أي سعاده ما بقالي
غير دمعه وأحتريكِ بكف إيدك تمسحيها
إيه أحبك حب فاق بوسط قلبي إحتمالي
والمحبه وسط قلبي ذي حروفي ما تفيها
آآه عليها يا حروفي آآه عليها يالليالي
ودّي بلحظة لقاها وإيدي تلامس إيديها
ما أبيها ما أبيها يا بعد كل الغوالي
أي لحظه في غيابك والله إني ما أبيها