لا تخلي همّ قلبي يا حياتي بي يزيد
لا تشكي لو بخونك كان خنتك من زمان
قلبي حبك يا بنيّه من وريدي للوريد
وإنتي حبّك لا وصفته ما تعدّى هالمكان
زاد شكك في غرامي بعزّة الله وش يفيد
لو أبخلص بالمحبّه وفوق هذا ما يبان
قلبي يا بنت القبايل هالخيانه ما يجيد
لو على حبلين بلعب ما رجيتك هالأمان
لا تحسبي إني محمّد ولا خالد أو
سعيد
أنا أحمد يا بنيّه ما بيومنٍ راسي هان
صرت أنا مأسور وإنتي اللي أسرتيني بقيد
تعذبيني ويتشمّت فيني فلان وفلان
كل خلق الله تفرح كل يوم وكل عيد
وأنا أفراحي تتلاشى لو زماني يوم خان
لو بتاخذ دهر عمري قرّب وخذ ماتريد
بس خله لي بربّك يا زماني هالفلان
حنّن إحساسه عليّه شوف قلبه من حديد
مهما أعطيته تقاسى لاهو حنّ ولا هو لان
وش بإيديّه يالقوافي وش بإيديّه يالقصيد
جفّت أحبار القصايد وأنا أشكي للزمان
لو تركني أقسم بربّ الخلايق ما أعيد
أي قصة حبّ كانت فيها ريح البيلسان
ولو رجع لي ما بردّه لو هو قلبي ما يريد
غصب عن قلبي وعنّه برجع أحبّه كمان
أعشقه وأعشق عيونه وأحتريه بكل عيد
يشرق بنوره عليّه ويعطي لقلبي الأمان