كل عيدٍ في حضورك يختلف عن كل عيد
وكل عيدٍ كان قلبك ما أعترف به من زمان
من لقيتك زان حالي وزانت أحوال القصيد
فصرت أكتب بالمحبه وعن سعاده هالكيان
يا حبيبه عيدي فرحه وبهجة تسري بالوريد
وحُبّ عاش بوسط قلبي ما تلاقينه بمكان
اليوم عيدي.. والعواذل كل واحد لي يكيد
واحدٍ بالقول يرمي.. وواحدٍ خَنْجَرْه بان
وفوق هذا باقي أفرح أسرح وأمرح وأعيد
فرحةٍ بالروح وأعطت قلبي من بعض الأمان
يا حبيبه يوم عيدي وسط قلبي ما يزيد
الا حبّ وعشق علا لك بقلبي شان
سلوى والله هذا قلبي غير حبّك ما يجيد
وأي حبّ كان قبلك أشهد إنه مستهان
ما بجامل لك وأثْبت إن فرحي بي أكيد
بعض حزني بس باقي والله وحده المستعان
كل عام وانتي حبٍّ صار قلبي به سعيد
وكل عيدٍ وإنتي قلبي.. وشُوْف تحيا به العيان