تصدّقي من يوم قلتي لا يحب قلبك سوايا
ولا تخلّي شوف عينك ينظر لغيري شويّه
جيتك بأصق نوايا وقلت لك بعض الخفايا
وهلّ دمعي من حكيت القصّه المُرّه الأسيّه
واللذي سواكِ وأنشأ هالكواكب في فضايا
واللذي نصّب جبالن في أراضينا قويّه
ما عشق قلبي سواكِ يا ضوى القمره بسمايا
ما عشق حد الثماله غيرك إنتي يالوفيّه
تسأليني هل تحب إنسانه غيري يا غلايا
قلت ما حبيت غيرك لا ابدويّه أو احضريّه
كيف أحب إنسانه غيرك وإنتي فبردي دفايا
وكيف أبآخذ هالمشاعر بعدما جاتك عطيّه
قالها راشد: أسافر عنْك وتسافر معايا
وقالها إبن العوالق أركد وخلّك هنيّه
سلوى يا مهجة حياتي يا تباسيم بشفايا
يا بعد كلّي وذاتي ما يخيب الظن فيّه
وقفي لحظه شويّه..! وناظري وسط المرايا
وقولي لي إنك تشوفي.. قلبي وقلبك سويّه.!
وبعدها برسل هديّه وعدي من ضمن الهدايا
ولا نكث بالوعد الا منهو أنساله رديّه..!!
وعد من قلبي قطعته بأصدق وأخلص نوايا
أقسم بربّ الخلايق ما أحب غيرك بنيّه