القلب به جرحن الى اليوم ما طاب
والعين.. يا عيني عليها بكيّه
والروح من حبّت بَدِرْ ليل خلاب
بدت من النار تكتوي ألف كيّه
ما كان حبّي حبّ من قلب كذّاب
وشّو له خوفك زارع الشك فيّه
عفت البشر أخوان وأهلن وأصحاب
ورضيت بك من ربي أجمل هديّه
مابه ثقه يا ناس ما بين الأحباب
ولا الثقه معدومه اليوم فيّه
يا ليل لي خلّ ن عن البال ما غاب
بالله يا ليل.. جيبه عندي شويّه
ودّي أضمّه.. ضمّةن مثل الأحباب
ولا تلامس لحظه إيده.. يديّه
ودي ليا من أوقف بليل ع الباب
ألاقي خلي ساطع بكوني ضيّه
يقول: جيتك يا حبيبي يا جذآب
ودّي تبادلني غرامك شويّه
ودي ما دام إن الهوى اليوم غلاب
يغلب على روحي.. ويغلب عليّه
وأقول: فدوه عمري ياحلو الأهداب
ويفداك كلي.. وهذي منّي وصيه
أملك حبيبك دامه واقف على الباب
ولا ترا من بكره بيروح ضيّه
ويجيك يجري مثل ثلجن ولا ذاب
الا على شفاةن غدت مستحيّه
يا ليل لي خلّن عن البال ما غاب
يا ليل.. خبّرها.. تِحِنْ هي عليّه