لو ضاق قلبي وزاد غيابه الضيقه
بالله قولو لحبيبي كيف خلاني؟
العمر دونه ورب الكون ما أطيقه
وسنين عمري وكل أيامي وأزماني
يمر يومي ويجيني بفجري تشريقه
ويرد يروّح ولا علمٍ طرا وجاني
فرحٍ تمنيت لو باليد تحقيقه
والله لأصنع سعادتها بأحزاني
لو شفت دمعٍ وبيّن ليّه تبريقه
والله دمعه لدار الهمّ وداني
أسقي حبيبك بشوفك بِلّ به ريقه
ولا تخلي فؤاده منك عطشاني
شربت كاسه من الآهات وإبريقه
سقاني علقم يذوقه حتّى شرياني
وحشني كله وشوفه يوم تحديقه
سحر عيوني وشل الشوف بأعياني
وحشني صوته وغيره صوت ما اطيقه
وحشني كله وكلّه بس كفّاني
يا ويل قلبي يا ويله زادت الضيقه
بيوم سلوى تنام وتسهر أجفاني