من أقاصي شرق شمسي. لي مغارب بحر جدّه
جيتك وحامل فؤادٍ... يشتعل شوق لحبيبه
بعدما طوّل غيابه.. عن حبيب القلب ودّه
يعرف إن الحب باقي.! أو تلاشى من مغيبه.؟
قال: يا قلبه طلبتك لو يجي لك لا تردّه
عاشق.. ورغم إبتعادك عَنْه لا زلتي قريبه
يالحبيبه: إيه أحبك.. حُبْ ما حبيت قدّه
حُبْ من قلبي ظهر لك ابشموخ وعِزْ وهيبه
حُبْ توّه طفل يكبر.. مابه أي شيٍّ يهدّه
حُبْ باقي لو تجير أيامي وتصبح صعيبه
والمصيبه.. يالحبيبه غيرك.. الإحساس صَدّه
لين صارت كل خلق الله حوله هي غريبه...!
مثل قلبي.. لو بيعشق في حياته ما يحدّه
عن غرامه.. غير عشقك هو يحدّه يالحبيبه
إحْسِب أيام الغرام.. اللي تمنيّته وعدّه
وأبْشِر بعزّة فؤادك.. بدفعه ضعف الضريبه
بس تكفى.. يا فؤاده.. لو أنا برخيه شدّه
حَبْل وصلك يا فؤاده لو يفارقني تجيبه
أدري.. تعشق نبض قلبي.. ودَمِّ محبوسٍ بسدّه
وأدري.. إنك لو بتعشق تعشقه... بحسنه وعيبه
شاعرٍ مفتون فيها.. سلوى.. عنوان المودّه
ولو تغيّب عن عيونه.. فأشهدوا لحظه نحيبه
ما يفارق قلبي خلّه... لو جميع الناس ضدّه
ما يِفَارِق.. لو تِفَارَقْ... كل واحد مع حبيبه...!
ما يساوي العمر كله..! لو بعيش العمر بعده
وقلبي،؟ من بعد المحبّه.. موته يا سلوى نصيبه..!