لو جالك المسكين يمد لك إيده
هل تعطي الحاجه او تقفي وتصدّي
أنا اليتيم اللي حزنان في عيده
أنا الفقير اللي محدٍ فقر قدّي
أنا الأسير اللي يتمنّى فك قيده
أنا المُحال اللي ما شخص جا حدّي
جيتك تشيلي الهم وصدّك يزيده
زوّد بقلبي الحب لين انقلب ضدّي
آمر تبي إثبات خذ هذي تنهيده
تسمع لها الأموات من بينهم جدّي
بسقي ظما قلبك من نهر بوريده
قلبن بكا ودمعته سالت على خدّي
انا ابني لك أبراج من حب أنا اريده
وانتي صروح الحب في قلبي اتْهِدّي
ذنبي أنا حبيّت وحبّي ما يحيده
غير الذي قلبه يروي العطش عندي
وشو الخطا منّي وأبشر بتقييده
والله لا أخليه يفنى على يدّي
قلتي قِدَم لي فلان معروفه أجاويده
وصديته عن دربي وبيّنت له سدي
ماني مثل غيري يغطّي الضحك كيده
أنشهد إنه ما بالدنيا أحد ندّي
سلوى أنا والله الكذب ما أجيده
عدّي عدد ما جيت أطلب أمل عدّي
وجيتك وبي قلبن سلّم مقاليده
وده تُحُكْمِيِنَه وأنا بعد ودّي