أشك فيه.. والشك في قلبي يزيد..!
وأظنه محبوبن رحل عنّي زمان.!
لو هو..! تروا قلبه تمعدن كالحديد..
معروف.. قلبه قاسين.. ما يوم لان
يومي عطيته الحب صد عنّي بعيد..!
ويومي نسيته جاني يرجيني الامان..!!
وين الامان..؟ أثره بهالدنيا.. شهيد
والفرح متلاشي وحبي اليوم هان
ما ظنّي به إنسان بالدنيا يجيد..!
فنّ المحبه اللي لها تبكي العيان
كمّ من بشر.. تلقاه يتمنّى يصيد..!
لحظه فرح والله وحده المستعان..!
وبعض البشر... يمر به مليون عيد
والحزن باقي فيه ما راح لمكان
وبعض البشر..! تلقاه مسرورن سعيد..
والضحك فوق شفاته تمركز وبان
الله يا دنيا..! تشاقي هالعبيد
ما بقى للفرح في دنياي شان
واقول له..: والشك في قلبي أكيد.!
من ظلمك تهدّم بقلبي هالكيان
من ظلمك..! أتجّول وصرت أمشي وحيد
من ظلمك.! أبكي وسط صمتي.. يا فلاااان
وبعالي الصوت البحوح اليوم أعيد
وأرد أكرر هالكلام.. والوقت حاان
رُوُح.. وادْبر.. لا تقول ولا تعيد..!
فراق قلبك عنّي... يوم المهرجان..!