يمر العيد ولا ادري وش علومه
كأنه مرّ عابر... يوم عادي
من صبحه إلى ما تبين نجومه
اشوف الناس ذا مدبر وذا غادي
وانا تعبان ما أقوى على القومه
من فرقاه عفت الماي والزادي
يروح الصبح وأسهر ليلي مانومه
ماغير أبكي وجرح القلب به بادي
ألا يا من سحر قلبي بمعلومه
تقول أوفي يجيلك خلك ينادي
وحيد بليل وبي دمعات مهمومه
وجفن العين عيا يقارب رقادي
كثر الناس من حولي ولا ألومه
لو أنه مستريح البال فبعادي
مشت روحي فبعض دروب موهومه
غلط هالقلب فما بتجيه أحقادي
صبر بالله ياروحن بي مظلومه
فمان الله يا من شاله فؤادي
حمل هالقلب بعض ونات مكتومه
فروح أرحل وسافر عنها بلادي
يمّر العيد ولا أدري وش علومه
كأنه مرّ عابر... يوم عاادي