السعاده في غيابك صارت أشبه بالمحال

السعاده في غيابك صارت أشبه بالمحال

وبحضورك ه النكاده شي فعلاً مستحيل

من عرفتك يالحبيبه زان فيني كل حال

وكل شيّن من عرفتك أصبح بكوني جميل

الفؤاد وهالمشاعر.. والمحبّه وهالجمال

والخفوق وهالكيان تسامرولك كل ليل

ما قدر إنسان غيرك يوصل لقلبي وطال

أقصى حد لنبض قلبن ما رضى بغيرك بديل

أعشقك والشعر شاهد وإن سألتي الشعر قال:

ما كتب حرفه لغيرك ولك دموعه بس تسيل

لو رحلتي عن دروبه ما هدا له أي بال

وإن تجينه.. يالثمينه.. وتحضنينه ارتاح حيل

بحكي عن قلبن تملّك قلبي المغرم وجال

بين سكاّت المحبّه اللي بشرياني النحيل

يومي وأمسي وبكره.. فدوه له صعب المنال

وفدوه له كل الليالي... وكل فجر يمر جميل

لأجلها بصبر وأصبر... حتّى لو هالصبر طال

بس يخليها لي ربي خير صاحب أو خليل

بنت حمران النواظر بنت عن كل الرجال

حبّها بأعمق فؤادي أشهد إنه مو قليل