كوني لي الحاضر وبكره يا الهنا
كوني لي فرحه تزيّن حبّنا
ومدّي إيدك لي وبلمسها أنا
وبنظر لعينك وانتي تضحكين
إيه أحبّك حب ما حبّه بشر
حبّ منّه العاذل تأبط قهر
حبّ منّه يغار حتّى هالقمر
حُب جالك دون حتّى تشعرين
بك نسيت الماضي ابكل ما حمل
بك أنا ما اندم على اللي قد رحل
وهذا قلبي لدرب حبّه بك وصل
وعن حكاوي الماضي جيتي تسألين؟
خلّي الماضي وأنسي اللي مضى
لأن ما فات بحياتي إنقضى
وأنا ما أدور بعمري الا رضا
قلبك اللي لو طلبته لي تجين
تأكدي يا عمري مابي أي أحد
غيرك إنتي ويشهد الفرد الصمد
ببقى أحبّك من بدايات المهد
لين لحدي وقلبي بإيدك تدفنين