من حبّي.. لك بقلبي...، بيحكون البشر عنّا
بيحكون القصص لأنا..، حبيب يحبّه محبوبه
حتّى الطير..!؟ لو تشرق شموس الصبح لي غنّا
ويرقص صبحي بفنٍّ.. إلين يروح بغروبه
وليلي.. آآه يا ليلي إذا غار القمر منّا
ونجمٍ غاار يتباكى.. ولا هالكوون يدروبه
وحبٍّ يكبر بقلبي إلين الكل يتمنّى
يلاقي بين خلق الله.. منهو يحب بعذووبه
فرحنا حيل بالعشره..! فرحنا بعد ما كنّا
نخاف يروح احد منّا..! ويعيش الثاني بذنوبه
بس هذا الغرام أطهر غرامٍ شفته لأنّا
اثنين وحبّهم صادق ولا به حتى أكذوبه
تعالوا يالبشر.. شوفوا..! حبيبي بإسمي تغنّى
وهذي حروف من إسمي.. يموتوا فيه ويحيوبه
وتوّه ما عشق قلبي ومال القلب وتثنّى
واعطاها الولاء منه وتوّه.. الا يحب دوبه
تعالوا.. كلكم شوفوا...!حبيبي وبَعْدَهِ تعنّى
متيّم حبّ محبوبه.. وتعطر بإسمها ثوبه
.. بعد هذا الغلا كلّه أبي: تدرون إنّ حنّا
حروف أسطورةٍ فاقت محبّة قيس لمحبوبه