وراك الموت ضل يبچي وياي
ولون تدري برحيلك اشسويت
اكض هدمي عليك وتركض الناس
وحگ حبنه چا روحي شگيت
اگلب بالصور والگاك موجود
وابوس الصور لو انت مريت
الله اكبر شيسوي الفراگ؟
يّتم روحي هيج انه حسيت
شثگل عمري بدونك يمتى ارتاح
ارتاح من اشوفك لو انت مريت
ردت احلم بيك ورحت بالنوم
واول ما لمحتك من نومي فزيت
شحجيلك بعد واشرحلك الحال
وشوصفلك بعد يا عمري مليت
ليش اليحب كل عمره موجوع
وليش انه حبيبي اعليك ونّيت
يفر بيّه العمر فر الطواحين
ونعم الله اكول شما انفريت
بس كون ترجع يمتى موجود
الك حُب وعشگ تلگاني طشيت
واطش بالدمع فرحة يلون الباب
واگل لباب يهلهل لو انت رديت
والبسلك ضحك من جدمي للراس
ومو ماي الورد لا ورد رشيت
بس كل هذا تمني المنه ما صار
وعود الامل شمعة وظلم البيت
شگلك بعد ماگول واحجي اهواي
بس احبك طول ما انه حبيت