انعصر حزن الليالي وضيم الأيام

انعصر حزن الليالي وضيم الأيام

ومن جفن العيون الدمع ندّه

وأصبحت جرّات النفس موس

شلون اقنع الموس ريتي وردة؟

علمت روحي شما رادت تضوج

تطلع ركض منّي ركض شرده

وإذا گلبي تعب ووشّل الحيل

اگلّ لروحي گلبي هذا حدّه

عالمحطة سنيني انطشت حرام

وراح العمر كله بليّه ردّه

وعاتبت المحطة شلون والراح؟

گالتلي هذا الباب سدّه

رديت بفشلتي البظهر نار

أثر حرگة فشلتي بظهري بعده

اعتازيت الدمع عكازة للروح

حتى تمر ع الهموم بليّه شدة

وليش انت حبيبي تبلل الطين

انه وياي ردتك ع الحزن ضده

وطيور الفرح طارت مدري ليوين

رفّت جناحها والصعدة صعده

وولو ما باقي بروحي غير الله

وكلشي البيّه عالبيّه فدّه

لكن بعد الحجيته برزم الحروف

انه وياي الله.. الحزن وحدة