أتأمل وفكري عاجز ما اهتدى

أتأمّل، وفكري عاجزٍ ما اهتدى

مااتعس أفكار بالحيره كذا مُرهنه

شفت عمري كذا تمضي سنينه سُدى

نفس الأيام، نفس الناس، والأمكنه

ذي سنه بالشقا ترحل ولا من هُدى

بعدها بالشقا نفسه: تهلّ السنه

آه من همّ لا خيّم سكوني، بدا..

يدبك بْصدر لامن ضاق هو مسكنه

وآه من صوت مخنوقٍ بليّا صدى

بين ما أبحث خفاه أو بالخفا أدفنه

قوم ياحظ شوف شْلون عمري غَدا

حاول تْمهّد اقصر درب: للممكنه

حظ غابر .. وْواقع لي ألدّ العِدا

ذا ردي ما أضمنه ذا جايرٍ ما أضمنه

أتأمّل؟، كفايه، اهتدى، ما اهتدى..

فكْر مشلول .. أجل لجْنوني آبَرهنَه