ياهل الأمداح صجيتوا واعباد الله
بالكذاب المصنّع وأنتم أصحابه
ما خبرنا لكم تاريخ يفطن له
لا براس القرا العالي ولا اشعابه
ما بكم من يعقد الحبل ويحلّه
وإن جت للمواجه ما انتم ذيابه
السواليف مفضوحه ومختلّه
والرجل لا تكلم يرفع الجابه
والله ما يحقر الرجال ويذلّه
مثل لاكبّر الأفعال بكذابه
العرب تعرف الدندون وتدلّه
حتى لو ماكتب لوحه على بابه
والله يعزّ حكمٍ ظلنا ظلّه
تحت هيبته كلٍ يفتل أشنابه