والله انّ الوقت حدّه مثل حدّ الشطير
دون حظٍّ يسعد القلب ويواري غثاه
لو نداوي علّة الراس والجسم الضرير
من يداوي علّة القلب ويرمّم بناه ؟
ومن يغيّر حال الانفس من الحال المرير
لا نحرها بعد الاحباب واذكاها جفاه
والضلوع اللي تداري على الجرح الخطير
ما ذبحها غير نزفه وحيّرها دواه !!
ما خفى من مرّ الايام في وسط الضمير
بيّنه سيل المحاجر على سرعة مداه
المشاعر ودّك انها في اشياء تستخير
لا تعاتب شيّ مقفي ولا تطرد وراه
ما ورى كثر المعاتب ولا الشرهات خير
حيّ من يوصل ومن راح قل ربي معاه
كفّ صبري كان مخلوق لي عون ونصير
وانكسر كفّه من الوقت وانكسرت عصاه
ولا نفعنا كثر شكوى ولا غيّر مصير
والحظوظ البايره جات من كلّ اتجاه
ولا شكينا القلّ للناس والله البصير
لو صغار همومنا من تهامه للسراه