كيف بكتب فيك يا ملح القصيده
يا ثمان الحسن للسّبع العجايب
والجدايل حول سلسالك وجيده
ظلمه وقمرا تطرزها السحايب
يا عنيده شاعرك يهوى العنيده
ما تساق مناه لرياح الهبايب
والله انّ النفس من دونك زهيده
يبست غصون الاماني والطلايب
وماتت لحون القوافي بالنشيده
واصبح قراب القصايد له غرايب
الحزن لو غاب يعتبره فقيده
انولد والحزن خلاّن وقرايب
من يردّه للحياه ومن يعيده
ومن يرجّع له سواليف الحبايب
من يحرّر معصمه من سطو قيده
ومن يردّ خطاه عن درب المصايب
كلّ وصلٍ غير وصلك وش يفيده
ما جبر له كسر وجروحه عطايب
ولو بقى ما غير ذنبك في رصيده
اعترف به. غير ماهو عنه تايب !