عيش ياقلبي
عيش ياقلبي واتعلم
تحب الكل طول عمرك
وإفرد للهوى جناحك
وعبر عللي بيسرك
اقولك كلمة ياقلبي
وخلي الكلمة في سرك
تكون دايما مع المولي
وعمر الشر مايضرك
عيش ياقلبي واتعلم
تحب الكل طول عمرك
عيش ياقلبي واتعلم
تكون صافي وخلي البال
وتنسى كل ماجرالك
وعيش في الهوى جوال
وماتصدقش ياقلبي
كلام سيء عليك ينقال
وشوف ياقلبي واتأكد
واوعى تمشي ورى ظنك
تعيش ياقلبي متهني
وحالك أحسن الأحوال
ياريت ياقلبي تتعلم
تكون صافي وخلي البال
وعيش ياقلبي واتهنا
مع اللي قلبه بيحبك
حتلقى الراحة ياقلبي
وعمر الدنيا ماتصدك
وتلقى الورد بيفتح
ويبعت عطره ويسرك
واوعى ياقلبي يوم تنسى
دا هوه اللي وقف جنبك
وهوه اللي فتح قلبه
وجوه ف حضنه بيضمك
سقاك الشهد من حبه
ويتمنى الوفا منك
وروح ياقلبي واتهنا
مع اللي قلبه بيحبك
كلمات الشاعر
حسني عبدالله جاد
عاشق الورد