عليِّ الضحكة شوية وغني
واحكي لكل الناس حكايتنا
واوعي تخافي ف قربك مني
عندي الحب اللي ح يسعدنا
يعني انا وانتي قدر مكتوب
مافيناش غالب ولا مغلوب
داحنا يدوب قلبين اتقابلوا
من غير كلمة وقعنا ندوب
واما عشقنا عشقنا بروحنا
لما بقينا اتنين تانيين
نملا الدنيا بشهد كلامنا
عايشين دايما في البساتين
نظرة عيني ونظرة عينك
قالوا كلام ماقالوه عشاق
حب وود ولحن جميل
يملا قلوبنا بالأشواق
واوعي تخاف للناس تحسدنا
او ح تحاول تفرق بينا
لا ماتخافشي طول مانا جنبك
ح ابعد اللي يقرَّب منك
أو ح يحاول يجرح قلبك
تعرف ليه ياحبيبي ياغالي
مانا ياحبيبي اصلي بحبك