غرقتيني فبحر جمايلك
عومتيني فبحر عنيكي
شوقتيني وليه مش طايلك
بادعي لربي قوام يهديكي
وترضي أشوفك واني أقابلك
واسمع صوتك أو الاغيكي
هيه الدنيا ياضي عنيا
مهما ادتني ياكل مافيا
مش ح تكون زي ماتديني
لما تكون ماسكاني ايديكي
عهد عليا ياعمري وقلبي
إني أكون مخلص لهواكي
عهد عليا ما افرح وحدي
الا ماكون دايما وياكي
مهما ضناني البعد ياعمري
ها احلم برضو وابقى معاكي
واشرب واروي القلب بحبك
وابعد كل الشر بدربك
وابقى ساعتها يانور ايامي
رهن إشارتك أبغي رضاكي
عندك ليا نظرة وكلمة
طاب ماتقولي اللي يكفيكي
عهد عليا ما اقول ولا كلمة
لازم أسكت واسمع ليكي
وانا ف سكوتي ح اكون باتأمل
همسك شدوك سحر عنيكي
أصلي انا دبت بنظرة خادتني
للأفراح على طول وديتني
وانا من فرحي انا جيت وبقولك
لازم أكتب والله عليكي