ما عاد أبي هذي ولا ودي بتلك
أرخيت شوفي للعيون السواهي
قتلتني وشلون أنا ودي أقتلك
وانت متربع وسط صدري وراهي
سألتني وش فيك لكنّي أسألك
من ذوب السكر بأعماق شاهي
لاجيت أدور وين ابقدر أحصلك
فز الخفوق وقالي ذيك! كاااهي
من فوق ضلعن بالحنايا موصلك
للي نهبت وصايرٍ لك ملاااهي
هذاك قلبي كل ما ملت عدلك
من كثر ما حبك غدى منك فاهي
قلي وش اللي قلت أنا بس وأزعلك
لا يا بعد ربعي وناسي وجاهي
وإلا دلع وتشوفني يوم أدللك
ودك بحبي قدم غيري اتباهي
تباه ربك بالبشر (هيك) نزلك
كذا كذا من دون شجب ونواهي
احفظ رقم (1) ترى هو تسلسلك
يمكن ألف آآدور آكون لاهي
وإلا أنا ببطي عظم ما أبدلك
يا ما ورى رمش السواهي دواهي
كبير قلي من هو اللي يقللك
لا لا حرام الموت اهون ولاااااا هي
مفتول خلقه كيف ابنقضك وافتلك
قل غيرها زاهي على الملح زاهي
اقسم بربي ما بها (ضحك) أو (كلك)
ما فيه غيرك شد يوم انتباهي