لما خَرَج مِلْمِدرسه
يانا مسوّي خنفسه
عنده شهاده امزيفه
مدفوع عنها بهنه
بَّهت يوم انِّه دخل
صُوفَرْ علينا ثم صَهَلْ
وايلاء شروات الصّخَل
تَيْسٍ ويتبع مِتْيِسِه
في بنطلونه مختصر
يشرب حشيشه مع خمر
واثْرَه غِبِيْ طالع صِفرْ
والناس قالوا مطفسه
الابو في حَرّه او نِدَمْ
من شاف ولْدِه فنصدم
ايقول حظّي وانهدم
جتنا امور امْعَكِّسه
وين الوزير بْنسْاله
يِحِلّْ هذي المشكله
كِلْنا وقعنا في اوحله
والرِّجل فوق مْمَكِّسه
لوَل انا اضحك ع ولدك
واليوم طالحت في اولدي
يا ولد ربّي ينفدك
اخذوه والا برفسه
انته وَلَدْ والا مَرَه
لخدود حَمْرَا امبوردره
ساعهْ يِمَشّط في اشعره
وين انت اوّين الهندسه
يا ولد ما فيك احْرِكَه
منِّك وقلَّت البركه
الامّْ قالت نتركه
من الذين نفسه مفلسه
ضيّعت نفسك يا ولدي
لو عْلِمتْ با يطلع رِدِي
حرام ما اعْطِيِتْ الثَّدِي
يموت يقطع انفسه