يا اهل الشيم والغيره

يا اهل الشيَمْ والغيره

يا شيوخنا الكبار

ويا ريّس هالعشيره

ي الشيخ ي المغوار

يا قايد بالمسيره

زعيمنا ي البار

فكري لو بستشيره

ضايج ما له مدار

حِرْت وخِذَتني حيره

واتْخَرْبِطَتْ لفكار

ع اللي حدث في الديره

من ترفيع الإجار

يبني وياخذ خيره

ويْزَيِّد في العقار

ويفرح بارْضٍ كبيره

ومشاهد الدّوار

ويطمع بقاعٍ غيره

ومن صاحبه ويغار

الله يرحم فقيره

من طمع هالتجار

كل يوم تي تسعيره

وايزيد المستعار

كل شي لابج سعيره

حامي شراة النار

هذي مهوب صغيره

خافوا من الجبار

شوفوا لنا تدبيره

لَنْوَلِّي الأدبار

مِرَّه فقدنا الغِيرْه

ونركض ورا الدينار

مَحَدّْ عارف مصيره

كبارنا واصغار

واتلاها في حفيره

على شفر من نار

واذا عدلتوا السّيره

روضه وتجري انهار

يالله عساها خيره

وتبقى دياري اعمار

ويزيدنا من خيره

ويرسل لنا مدرار

يا اهل الشيم والغيره

يا شيوخنا لكبار

دولتنا مب فقيره

شيلوا عَنَّا الخسار

وشوفوا لنا تدبيره

لَنْوَلِّي الأدبار