على ربوع امطله

على ربوع امطلّه

اتعيد أو تلتفت

عين هدبها امْظِّله

بالفرحه اتْبَسِّمَت

جَنّْ السَّهِمْ طرفٍ له

في عينه لي غِضَتْ

بنت النَّدى لمطلّه

في خدّه فَتّحت

عَطّلْنيه شيحِلِه

لين ايروحي دِمَتْ

حشايه واسْتَحَلِّه

وايديّه سلّمت

اتخايل طلعةٍ له

يوم الغيد اسرحت

يتبخترن في ظلّه

وأثمار إلهْن دنت

مع أنفحات الفِلّه

أرواح اتباشرت

الزين شفته كله

وعيوني اتفرجّت

في غيمةٍ مشتلّه

أناملنا المست

أشعورهن مفتله

بالمزن اتحاذفت

بو شهاب عنّا قِلّه

معك الرّحله اكملت

يا غافرٍ كلْ زلّه

منك الرّحمه اسبقت