ريّس الدولة او نواحيها
مول ما يوجد من امثاله
وين ما رجله يوطّيها
شيمته عنده وتِبْرِاله
بو خليفة كم سعى فيها
كم بذِلْ من حاله او ماله
عاش قايدها وواليها
قام برجاله وعمّاله
انظروا شوفوا مبانيها
بدّلت حالٍ بعد حاله
تبتسم تضحك روابيها
والشجر ومسدّي اظلاله
جنّةٍ تدنو لجانيها
ياكِبَر حظّه هنيّا لها
كسوة الرّحمن كاسيها
ما بِخَلْ ما شحّ بامواله
لي بينظر في مغانيها
راح من يطري على باله
الجمال نفسه يغريها
تنحني للزين ميّاله
سرت باطالع شواطيها
واذهلتني كَثْرُتْ اعماله
يعلم المولى ابْخوَ افيها
كم طلبنا له اودعيناله
ربّي الدولة ويحميها
ويحفظ زايد مع اعياله
مع بني عمّه وهاليها
شيخ مَنْوى الشعب منواله
يعرف الدّنيا او معانيها
يعل فال السعد من فاله