عدت عواصف هوج الايام وأبتل
غصنٍ من عروق الحنايا تدلا
واعظم قصيد البعض مايعجب الكل
حتى قصيد الحب عنا تخلا
صرنا مثل قاعٍ حضن رملته ظل
وصرنا مثل رجمٍ على راس جلا
مليت اناظر وقفةٍ مالها حل
لين الهوى غنا طروبٍ وملا
ناديت للريحان قبل انده الفل
واثر الزهر لافاح قام يتغلا
ماكنت احسبه لا لفح يمنا تل
مجداف قلبٍ من هجوسه تبلا
طفلٍ اليا ناظر مع السلهمه سل
سيوف قومٍ دون عرضٍ تسلا
ياقف له بقلبٍ تسامى ولا مل
من كثر دورات الليالي وملا
اعيش له عيشة هل الصاع للغل
واموت له ماقلت الروح كلا
ولو كنت انا العاشق وانا الكل بالكل
مابان نجم ونجم قفى وولا