صَوتَكْ سَالْ في دَفتَري
يا شَعبي سَلامَتَكْ!
قالوا: كنتْ سِبتمبري
سَقف الشَّمس هامَتَكْ
والمرّيخ والمُشتري
والزُّهرة عِمامَتَكْ
ما لَكْ بِعتْ للمُشتري
شِيلانَكْ وقَامَتَكْ؟!
واستَرجَعت جُرحَك طَرِي
مِن جِيفة إمامَتَكْ!
صحّ النوم لا تَكتَرِي
مَن يسرق كرامَتَكْ
باع الطّير والعَسكري
واستَسهَل زعامَتَك
واصبَح بَعد نَهبَك ثَري
يَستَثمِر مَلامَتَك
حتى الحُزن مِنَّك بَري
لو بِعت ابتسامَتَك
يا ظهري ويا خَنجري
أينْ سارت شَهامَتَك؟
بين اللِّص والمُفتَري
قُم جَدِّد إقامَتَكْ
بَعد الأَرض باعوا الذَّرِي!
قُم قامَت قيامتَكْ