خلاص عفت الهوى والحب بالمره
مادام خلي يخون الحب من بدري
مادام قفّى وعيني تنثر العبره
ولا يقدّر هواي ولا عرف قدري
بألقى بديله يسرّ القلب والنظره
اللي يطفي لواهيب أشعلت صدري
بأحكم العقل وأتصبر على قهره
وأطمس معالم صور من عذّب الفكري
ياقلبي أرجوك لا لا تكثّر الزفره
أدري من الغبن تكثر زفرتك أدري
كنت أتصل به وأسولف له عن العشره
أحسبه ياعزوتي باقي على خبري
وأثره لقى من يدندن له على الكسره
وأنا بدنياي ماشي وساليٍ مدري
والله لو كاسبٍ بين الملا شهره
وأخذ وشاح الجمال وصورته تغري
ماعاد أطالع عشيرٍ واضحٍ غدره
اللي بسكين غدره كم طعن ظهري