من نظرتك يابوعيونٍ مكاحيل
قلب الكثيري في بحر حبكم سج
نظرتك خلت وسط قلبي مداهيل
خاف الله المعبود ياسيد الغنج
خل المحبه ياغزيّل تساهيل
لا عاد تلعب بي كما لعب شطرنج
لأجلك كتبت الشعر وأحلى المواويل
أرجوك لاتبقى كما العود الأعوج
وقف وقال الحب مافيه تمثيل
يازين نظراته ولامن تهرج
مبيسمه يشفي قلوبٍ معاليل
يضحك وأنا في وجنتيه أتفرج
قلّي تمهل قلت ماعاد لي حيل
خدرتني تخدير مرضان بالبنج
ترى الهوى ماهو بلعبه وتطبيل
يا زين قلبي من هواكم تفلج
لا يا سعيّد شفت منه التهاويل
يازين مشياته ولا من تمغنج
فيه الحلى غطى على نجمة سهيل
مثل القمر نوره علينا توهج
عمره ثمان وعشر حدٍ وتفصيل
قمت أنشده من وين يقول من ( )
قرب زهابه والعشي والمعاميل
وأصبحت في حيره وأدور لمخرج
ياالله تجمعني بهم تالي الليل
أطلبك ياللي فارض الصوم والحج