قَالُو عَلِيَّا صَيَّادْ
وَالصِّيَّادْ خَصُّو تِيسَاعْ لْخَاطَرْ
وَأَنَا طَبْعِي مَعْنَادْ
رَجْلِي خْفِيفَا وْدَغْيَا تَنْغَامَرْ
عَلاَشْ عَلِيكُومْ أَلَعْبَادْ
عَسَّاسِينْ عَلِيَّا مَانَاشِي كَافَرْ
يَاكْ صَيَّادْ غِيرْ بَالْقَصْبَة
وَكْلاَمِي يَجْلَبْ لَمْحَبَّة
وَيْبَرَّدْ جْمَارْ النَّارْ
لِّي مَغْرُومْ وْعَلَى سَبَّة
يْقُولْ يَاسَلاَمْ عَلِيهَا كَتْبَة
وَنَّسِّيهْ كْلاَمْ الْعَارْ
صَيَّادْ وْصِيدِي بِيدِيَّا
مَاشِي مَجْرُوحْ
بَلْكَلْمَة دَرْتْ مْزِيَّة
نْدَاوِي جْرُوحْ الرُّوحْ
صَيَّادْ وَالْعَمْدَا عَلِيَّا
وَبْسَرِّي لَمَّنْ نْبُوحْ