زعفري قهوة مرارتنا.. وصبيها عليّه
لين يبرد قاع فنجان الحكايه وآتهيّا
وش يكون الحب ورد احمر ودبله في يديه؟
كلما شحيت بإحساسي عزيز الجرح عيّا
كم لعمري عمر واتعشم هداياته وغيه!؟
كم بقى من وقت ما عجّل خطاك ولا تريّا
لو تكون نهاية جروحي على وجهي نديه
هذي الحيره ظلايلها على صدري تفيّا
ساعدي هذا الشعر لا ينطفي ويموت فيّه
لو يجي بكره ينادمني على كاس الجفيّا
لا تقولين التعب فوق التعب باين عليّه..
حزن وجهي مدّ لك بسمه ورحب بك وحيّا
للصباح بضحكتك معنى وللشعر ابجديه
وصليني للشعور اللي ترك حزني حميا
جفّ وادي صرختي والريح هبّت موسميه
للمطر قالت سماي استعجل الجيه وهيّا
ما فرضك بواقعي غربة طريق ومهمهيه
فيك نصفي نصفي المفقود والباقي هنيا..