كيف ننسى والكلام يلوح كفه بالعتيم
والهقاوي صفحةٍ تطوى وغلطه فايته
صوتي البارح قصيده لحنها جرحٍ قديم
سرمديه تسحب الونه بدمعه بايته
مورقه ب الغي والخذلان يضرب بالصميم
ظاميه والشوك ب خطاها يطارد غايته
أعتقتني سدرةٍ راحت ظلايلها تهيم
ف ارتجاف الدمع بأجفاني وصبح غوايته
لا خطأ ترحل بي اعذاره ولا ظلٍ مقيم
استره بالضحكه الصفرا واحيط اعنايته
مابقى للصمت ثار اقضيه بيدين الكريم
التعب ينزف من ايامي طعون اقفايته
ليت ينصفني زهاب البوح لا اخترته خصيم
لين يتوحى لشيهانه تلم احكايته
ما تعبت اخيط جرح الليل للصبح النديم
كثر ما حولي ضيا يكتب فصول اروايته
مثل ما ود الرضا يبقى لشرهاتي غريم
وقفة اللي تصغر احلامه ب وجه امرايته
غن بغيابك بكور الوسم لا حّن الهزيم
الحقيقه "شيخ" عصيانه دليل اهدايته
مابغيتك صاحبي للجرح نار ولا نعيم
اكتبه حلم اتجاهاتي ومنك اقرايته
صاحبي ضم التعب بيديك لاهب النسيم
للرجا ربٍ كريم وللطريق انهايته