للشعر ما كان المصير .. إلا الهزيمه والتعب
بالشعر حاولت اطفي جروحي ولجروحي هربت
صمتي نزف بعضي وللحرمان ميلاد السبب
و بعضي تلاشى بعدما ناصفت حلمي واقتربت
وحشة قصيده شققت سقف .. الملامه والعتب
ل آخر سطر شوهت وجه احساسي الباقي وغبت
لو تسأل المقفي من الذكرى تقول الله كتب
قلبي رهين بقبضة الحزن أن تمرد ما انسحبت
اسقيت ريحان الجفا.. دمعي وطينه من ذهب
اطير وعيوني سما.. بنجومها السُمر انتسبت
هذا الطريق اخره موتي طال صمتي واقترب
وحدي غزلت من الشفق حزن الليالي ما كذبت
كم قلت لك؟! يا ساري اوجاعك تعذر وانسحب
لو ما يكون العذر ذنب ومغفره .. ما كان تبت
سامح سوادك ما بقى للنار بضلوعك حطب
ما تتنظرك الشمس تتفيا ظلالك لا تعبت
شميّت بثيابك قصايد من وجعها .. تنتحب
فيها وطن! قصّرت لرضاه المسافه واغتربت..
والناي ما بكّى النسيم ولا احتضن عُود القصب
وانا على حطة يد الحيره .. كتبت وما كتبت ..!