في ملامح هالمكان
يشره الساحل ،
على اشْرعة السفينة ..
المباني غافية
والشوارع طافية
والمدى مليان
دخان ورطوبة
هالمدينة ..
داينة
والا مَدينة .. ؟
منطفي فيها الكلام
وذابلة فيها السكينة ..
يا حبيبي ..
لا تبرى من زمانك
لا تذرى في زماني
طحت ..
مدري طاح من سقف السما
طهر المعاني
لا وعد ..
في زرقة البحر البعيد
ولا ضفاف
ولا مواني ..
وانت
ما انت اللي على خبر الثواني
انت واحد من ثنين ..
يا أناني ..
أو أناني
مستحيل ..
مستحيل تكون ذاك الأولاني