في عيونها لمة حكي وفي وجهها بعض الكلام
اجيت وهي متردده مدري وش اللي بحالها
يالله دخيلك يارجاي يا خالق كل الأنام
تهوّن جروح القهر اللي زرعوها اخوالها
لاصارت الضحكة بثمن والدنيامليانه خصام
شيٍ غريب اني مع هذا امر ببالها
جار الزمان وعادته كنّه يريد الأنتقام
لايازمن تكفى ترى ودّي اموت بدالها
ساعة نظرت فراشها قلت الله الله يا حرام
يبكي عليها كل شي حتى غطاها وشالها
من زود مابي من قهرعيت عيوني ماتنام
ماغير افكر ياترى وش فايدة عذالها؟
رغم الألم في داخلي كلمتها بكل احترام
قصدي اسولف واشتكي واحكي معاناتي لها
بس الأسف من لوعتي بانت بدايات الهيام
مع ان كل السالفه. بنت ووقفت قبالها
لكن اخاف السالفه تكبر ويذبحني الملام
لوحد لمحني عندها. اوقال وش سوى لها؟!
صدّيت وقلبي يحترق مدري بعد قلت السلام
واقفيت واناابكي واقول يالله تروف بحالها