يايمه بس هالمره ابيك تعلميني الحين
اناحبيت يايمه وانامن جد محتاره
تعلق قلبي في حبه واناعندي ثمان سنين
يصر يموت في حبي وانااللي مت باصراره
عشقته وهمت في حبه وضاقت بي من الصوبين
ولولاالخوف من ربي لاجي واكتب على جداره
احبك بس ياحظي ياوينه وهوعني وين
لو ان الموت يسمح لي احب اموت في داره
يايمه بس يكفيني عذاب وبهذله تكفين
اناماخترته يايمه وربي قلبي اختاره
واناماقلت لك يمه عشان تخاصمي بعدين
اناماقلت لك الا عشان ارتاح من ناره
احس اني معه في كل ساعه وكل وقت وحين
افكر فيه بالساعات!وانشد وش هي اخباره
يايمه آه من حبه يايمه آه لوتدرين
وصل للبيت يايمه ومسح من بابنا غباره
انابوصيك يايمه وصيه واحفظيهازين
عشان ان مت يبقى لي واناابقى داخل افكاره
تروحي له عقب مااموت روحي صدق لاتنسين
وقولي له ترى فلانه تبي من وقتك زياره